Սպասվում է, որ «Մադրիդցիների» դեմ խաղում բասկերի մարզիչ Մարսելո Բյելսան դուրս կբերի խաղադաշտ մարտական կազմ: Ի տարբերություն նրանց նախորդ հանդիպմանը՝ «Սարագոսայի» դեմ, խաղադաշտ առաջին րոպեներից դուրս կգան Խավի Մարտինեսը, Իկեր Մունյաինը, Մարկել Սուսաետան և Ֆերնանդո Լյորենտեն:

Որակազրկման պատճառով հանդիպումը բաց կթողնեն պաշտպաններ Անդեր Իտուրասպեն և Անդեր Էրերան: Միևնույն ժամանակ, կազմ է վերադարձել Խոն Աուրտենեչեն, ով բոլորել է մեկխաղյա որակազրկումը:

Բասկոնիա մեկնելուց առաջ չի հաղորդվել որևէ վնասվածքի մասին, որը նշանակում է, որ Ժոզե Մոուրինյոյի սաները այս հանդիպմանը մոտեցել են մարտական կազմով: Բացառություն է միայն Անխել Դի Մարիան, ով «Սևիլիայի» դեմ խաղում ստանալով իր 5-րդ դեղին քարտը այս մրցաշրջանում, ստիպված կլինի բաց թողնել այս կարևորագույն մրցավեճը: Սպասվում է, որ առաջին իսկ րոպեներից աջ եզրում Անխելին կփոխարինի Խոսե Կալյեխոնը:

Նախորդ խաղի համեմատ շատ հնարավոր է, որ Մարսելոյի փոխարեն խաղադաշտ դուրս գա Ֆաբիո Կոենտրաուն, իսկ Խաբի Ալոնսոյի կողքին Էստեբան Գրաներոյի փոխարեն կխաղա Սամի Խեդիրան:

Իսկ դուք գիտե՞ք, որ

•  «Ատլետիկը» հաղթել է վերջին 9 տնային հանդիպումներից 6-ում:

• Վերջին 10 հանդիպումներում՝ «բլանկոսների»  հետ բասկերը պարտվել են 9 անգամ:

• ԵԼ-ի(Եվրոպայի Լիգա) եզրափակչում Մարսելո Բյելսաի սաները հանդիպելու են այլ մադրիդյան թիմի՝ «Ատլետիկոի» հետ:

• «Ռեալը» Պրեմիերայում արդեն 20 խաղ է ինչ չի պարտվել: 17 հաղթանակ, 3 ոչ-ոքի:

• «Բլանկոսները» աչքի են ընկել 48 հանդիպումներում: 

• «Արքայական Ակումբի» հաղթանակի դեպքում, Ժոզե Մոուրինյոն կդառնա առաջին մարզիչը պատմության մեջ, ում հաջողվել է հաղթել 4 տարբեր երկրների առաջնություններ(Պորտուգալիա, Անգլիա, Իտալիա և Իսպանիա):

Հանդիպման անձինք


Ֆերնանդո Լյորենտե

Դիրք: հարձակվող
Համարը թիմում: 9
Խաղ/ գոլեր: 30 / 16

«Էլ Ռեյ Լեոն»-ը ուղղակի հիասքանչ մրցաշրջան է անցկացնում: Իր ջանքերի շնորհիվ «Ատլետիկը» հասել է ԵԼ-ի և Արքայի Գավաթի եզրափակիչ: Ֆերնանդոին չի բավականացնում միայն 2 գնդակ, որ հասցնի իր խփած գոլերի քանակը բոլոր մրցաշարերում 30-ի: Այդ երեկո Բասկյան Երկրի ներկայացուցչին մեծ ուշադրություն պետք է դարձնեն «սերուցքայինների» պաշտպանները, ում խաղը վերջին հանդիպումներում այդքան էլ չի գոհացնում: