Главная » 2012 » Ապրիլ » 29 » Բուտրագենիո. «Մենք գնում ենք դեպի չեմպիոնություն»
Բուտրագենիո. «Մենք գնում ենք դեպի չեմպիոնություն»
Էմիլիո Բուտրագենիոն նշել է, որ թիմը մեծ ուժեր է ներդրել չեմպիոն դառնալու ճանապարհին: Հասարակության հետ կապերի նախագահը կոչ է արել մի կողմ դնել այն դժգոհությունները կապված թիմի Չեմպիոնների Լիգայից դուրս մնալու հետ, և շարունակել շարժվել առաջ՝ մինչ Լա Լիգայի չեմպիոնի կոչման նվաճումը:
«Այս մրցաշրջանը մեզնից շատ ջանքեր խլեց, բայց մենք անհամբերությամբ սպասում ենք մնացած հանդիպումներին, որպեսզի վաստակենք այդ բաղձալի միավորները՝ չեմպիոնության համար», նշել է Բուտրագենիոն:
«Այս մրցաշրջանում մենք շատ մոտ էինք Չեմպիոնների Լիգայում հաղթանակ տոնելուն: Բայց մեր առջև կար գերազանց թիմ: Թիմի ուժերը շատ լավ հավասարակշռված էին մինչ խաղի ավարտը: Եվ ամեն ինչ որոշվեց հետխաղյա 11 մետրանոցներով», պարզաբանել է նա թիմի ՉԼ-ից դուրս մնալը:
Գուարդիոլայի մասին. ««Բարսելոնայում» Գուարդիոլան շատ մեծ դեր ուներ: Նրա ղեկավարած 4 տարիների ընթացքում նա կատարել է հիասքանչ աշխատանք, և թիմը նվաճել է շատ մրցանակներ»:
Բուտրագենեն նաև խոսել է մրցաշրջանի վերջում թիմի կատարած աշխատանքի մասին. «Սա շատ բարդ ամիս էր: «Ատլետիկո Մադրիդ», «Բավարիա», «Բարսելոնա», «Սևիլիա»: Այսօր շատ ուրախ խաղ էր, և մենք արժանիորեն հաղթանակ տարանք», ասել է Էմիլիո Բուտրագենիոն:
ՄԵՆՅՈՒ
ՄԵՆՅՈՒ
