Լեհ դարպասապահ Էժի Դուդեկը, ով նախկինում հանդես էր գալիս Մադրիդի «Ռեալում», հիշել է Ժոզե Մոուրինյոի խոսքերը, երբ իր թիմը ջախջախիչ պարտություն էր կրել «Բարսելոնայից»՝ 5:0 հաշվով: «Խաղից հետո Մոուրինյոն մտավ հանդերձարան և ասաց մեզ. «Վաղը ես ձեզ կտամ հանգստյան օր: Բայց դուք չպետք է նստեք տանը: Ման եկեք քաղաքով ձեր ընկերների, ընտանիքի, երեխաների հետ: Մարդիկ պետք է հասկանան, որ դուք կարող եք հաղթահարել դա: Երկրպագուները ձեզնից շատ բան են սպասում և դուք պետք է ցույց տաք նրանց ձեր ուժը: Դուք խաղում եք աշխարհի լավագույն ակումբում և միլիոնավոր մարդիկ աշխարհով մեկ պատրաստ են իրենց կյանքը տալ հանուն այս ակումբի»»:
Վերջում Դուդեկը ասել է, թե ինչ արժեք ունեցան իր համար այդ խոսքերը: «Ես մտածեցի՝ գրողը տանի, ինչ որ նա ասում է իմաստ ունի: Ես հասկացա հոգեբանությունը սպորտի մեջ: Մոուրինյոն մեծ հոգեբան է և աներևակայելի մասնագետ»: