ArmC
Այսօր ուշ երեկոյան ավարտվեց Պորտուգալիա - Հոլանդիա խաղը: Ճիշտ է առաջինը հաշվի մեջ առաջ անցան Նիդերլանդները՝ Վան Դեր Վաարտի գոլից հետո, բայց Պորտուգալիան կարողացավ սթափվել և նախաձեռնությունն իր ձեռքը վերցրեց: Բազմաթիվ գրոհներից հետո Ռոնալդոն դարձավ գոլի հեղինակ: Երկրորդ խաղակեսում նա կրկնապատկեց հաշիվը և Պորտուգալիան դուրս եկավ քառորդ եզրափակիչ: Հիշեցնենք նաև, որ B խմբի մյուս քառորդ եզրափակիչ դուրս եկած թիմը Գերմանիան է, որը միակ հավաքականն է, ով բոլոր երեք խաղերում էլ հաղթել է:
Գնդակն ուղարկելով Հոլանդիայի դարպասը, Ռոնալդոն դարձավ պատմության մեջ այն առաջին պորտուգալացին, ով գոլ է հեղինակել 5 խոշոր մրցաշարերում՝ Եվրո 2004, 2008, 2012 և 2006-ի ու 2010-ի Աշխարհի առաջնություններում:
Դե ինչ, Կրիստիանոն դարձավ Հոլանդիայի դեմ խաղի լավագույն ֆուտբոլիստը, ապացուցելով, որ նա լավագույնն է, և ի տարբերություն Մեսսիի կարողանում է խաղալ և խաղթել նաև հավաքականում: Նաև եթե չգիտեիք, տեղեկացնենք, որ երեկ Ռոնալդոյի տղայի երկրորդ ծննդյան տարեդարձն էր, և նա այդ գոլն ու մրցանակը նվիրեց իր տղային: Դրա մասին Ռոնալդոն գրել է իր Facebook-ի էջում. «Մենք արեցինք դա, և ես ուզում եմ այս մրցանակը նվիրել իմ որդուն: Շնորհակալ եմ բոլորիտ ձեր աջակցության համար»:
Իսկ խաղի վերջում երբ հանեց մարզաշապիկը, նրա մյուս մարզաշապիկի վրա գրած էր. «Տղաս հայրդ սիրում է քեզ. Շնորհավորում եմ»:
Ձեր ուշադրությանն եմ ներկայացնում Հոլանդիայի դեմ խաղի Ռոնալդոյի նկարներից մի քանիսը.
Դե ինչ, նաև դիտեք այդ խաղի լավագույն պահերն ու Ռոնալդոյի գոլերը.