Կարծես թե Լուկա Մոդրիչը ամբողջությամբ բացել է իր խաղաքարտերը, և վճռական է տրամադրված, որպեսզի ինչքան հնարավոր է շուտ տեղափոխվի «Ռեալ»:
Պաշտոնապես՝ ֆուտբոլիստը պետք է ներկա լինի այն ժամանակ, երբ թիմը պետք է նստի ինքնաթիռ և այն պետք է ուղևորվի Լոս-Անջելես:
Ինչպես հաղորդում է Marca-ն՝ Մոդրիչը չի պատրաստվում գնալ օդանավակայան: «Ես հուսով եմ, որ նա ճիշտ կվարվի և կգա», ասել է «Տոտենհեմի» գլխավոր մարզիչ Անդրե Վիլլաշ-Բոաշը:
Ամեն դեպքում՝ «Տոտհենհեմը» կուղևորվի ԱՄՆ. ֆուտբոլիստի հետ կամ առանց նրա: Պորտուգալացի մասնագետի և ֆուտբոլիստի միջև տեղի ունեցած հանդիպման ժամանակ Լուկան պարզ հասկացրել է, որ չի պատրաստվում մնալ իր ներկայիս ակումբում, բայց Վիլլաշ-Բոաշը ասել է ֆուտբոլիստին, որ նա իրեն պահի ինչպես պրոֆեսսիոնալ ֆուտբոլիտը` սպասի ակումբի որոշմանը: Իսկ «Տոտենհեմի» նախագահը՝ Դանիել Լևին ասել է, որ եթե նույնիսկ Մոդրիչը չգնա Լոս-Անջելես, նրա գինը 45 մլն. եվրոյից չի իջնի:
Բայց ֆուտբոլիստը համարում է անիմաստ Լոս-Անջելես գնալը՝ «Տոտենհեմի» հետ, որովհետև չի պատրաստվում կարիերան շարունակել այդ ակումբում:
ՄԵՆՅՈՒ
ՄԵՆՅՈՒ
