Մադրիդի «Ռեալ»-ի գլխավոր մարզիչ Ժոզե Մոուրինյոն Իսպանիայի առաջնության 3-րդ տուրում «Խետաֆե»-ի հետ հանդիպման նախօրեին հայտարարել է, որ իրենք մոտիվացիայի խնդիր չունեն:

«Անկախ նրանց` այժմ ով ինչպես կարտահայտվի, «Ռեալ»-ը բոլոր ժամանակների լավագույն ակումբն է: Այդ պատճառով մենք մոտիվացիայի խնդիր չունենք: Մենք պատասխանատու մարդիկ ենք: Նպատակին հասնելու համար մենք ամեն օր քրտնաջան աշխատում ենք և յուրաքանչյուր խաղում ձգտում ենք հաղթանակ տոնել` առանց բացառության»,- Մոուրինիոյի խոսքերն է մեջբերում Eurosport-ը:

Հիշեցնենք, որ երկրորդ տուրում «Արքայական» ակումբը 6 անպատասխան գնդակ ուղարկեց «Սարագոսա»-ի դարպասը: