«Ռեալի» գլխավոր մարզիչ Ժոզե Մոուրինյոն հետխաղյա մամլո-ասուլիսի ժամանակ ավանդույթին համաձայն շատ վստահ էր:
Հիշեցնենք, որ երեկ «Ռեալը» կամային հաղթանակ տոնեց «Ատլետիկի» նկատմամբ:
"Առաջնայինը` իմ թիմը զբաղեցնում է առաջնության առաջին հորիզոնականը, առաջ գտնվելով մոտակա հետապնդողից հինգ միավորով", ասել է Մոուրինյոն:
"Մենք անցանք Չեմպիոնների Լիգայի հաջորդ փուլ, և պետք է մեկ հանդիպում անցկացնենք նաև Արքայի Գավաթի խաղարկությունում: Եթե մենք պարտվենք առաջիկա հանդիպումում, ապա մեզ դուրս կթողնի «Բարսելոնան» այլ ոչ թե «Ալկորկոնը»: Ընդհանուր, մենք չունենք ճգնաժամ: Թիմում ամեն ինչ իդեալական է: Միակը, ով մեզ վրա ազդեցություն ունեցավ դա Օսկար Ռիբոտոմի հետ կապված իրավիճակն էր":
"Մրցակիցը մեզ համար շատ խնդիրներ ստեղծեց: Նրանք իրոք շատ լավ հանդիպում անցկացրեցին: Երկրորդ խաղակեսում մեր խնդիրները պաշտպանությունում վերացան, և թիմը վստահ հաղթանակ տարավ, ցուցադրելով ինքնակառավարում":
"Ես զգում էի, որ այս խաղում «Ռեալը» երեք միավոր կվաստակի: Անկասկած, մենք թույլ տվեցինք որոշ սխալներ պաշտպանությունում, բայց կանգնեցնել Լյորենտեյին այդքան էլ հեշտ չէ: Այս ֆուտբոլիստը տիրապետում է տարբեր բնավորությունների: Դե Մարկոսն էլ է նաև աներևակայելի ֆուտբոլիստ: Բայց ինձ դուր եկավ մեր ռեակցիան, և մենք անցկացրեցինք արժանի հանդիպում":
"Երկրպագուների կողմից սուլոցները ինձ չեն անհանգստացնում: Դա ամենևին էլ պրոբլեմ չէ: Ես առաջինը չեմ, ում հետ դա իրականանում է «Մադրիդում»: Այստեղ սուլել են Զիդանին, Ռոնալդոյին և Կրիշտիանուին: Իսկ ինչու՞ նրանց չի թույլատրվում ինձ սուլել: Այս տղաները ապացուցել են իրենց ինքնահաստատվածությունը իրենց հիանալի խաղով՝ «Ռեալի» մարզաշապիկով: Ես քրտնաջան աշխատում եմ, որպեսզի կարողանամ պատասխանել երկրպագուներին":
"Այս շաբաթ թիմի ներսում խնդիրներ չեն եղել: Ես պարտվեցի հինգշաբթի, բայց ուրբաթ արդեն մտածում էի «Ատլետիկի» մասին: Մենք հաղթեցինք: Պատմության վերջ", ասել է Մոուրինյոն:
ՄԵՆՅՈՒ
ՄԵՆՅՈՒ
