«Ռեալի» գերմանացի կիսապաշտպան Մեսութ Օզիլը խոստովանել է, որ երջանիկ է «Մադրիդում», ավելացնելով, որ իր թիմը ցանկանում է հաղթել բոլոր մրցանակները:
"Ես շատ գոհ եմ, որ մեր թիմի գործերը լավ են ընթանում: Ես «Մադրիդում» ինձ լավ եմ զգում, և իհարկե չեմ պատրաստվում հեռանալ: Մենք մեծ քայլ ենք արել դեպի առաջ` անցած մրցաշրջանի համեմատ", ասել է Օզիլը «Kicker»-ի հետ հարցազրույցում:
Նաև Օզիլը ավելացրել է մի քանի բառ «Սարագոսայի» հետ հանդիպումից.
"Ես ուրախ եմ, որ խաղացի «Սարագոսայի» դեմ, բայց կցանկանաի շնորհակալություն հայտնել թիմին, առանց որի ես չեի կարող այսպես խաղալ: Ես սրա մասին նույնիսկ չեի երազել":
Վերջապես Մեսութը խոսել է առաջիկա մրցաշրջանի մասին.
"Մենք ցանկանում ենք հաղթել բոլոր երեք մրցանակները այս տարի, և ես համոզված եմ, որ մենք դա կարող ենք անել: Այս նախասեզոնում մենք գնեցինք մի քանի ֆուտբոլիստի, որոնք անկասկած միայն կուժեղացնեն թիմը", ասել է Օզիլը: