Главная » 2012 » Հունիս » 30 » «Ռեալը» բանավոր համաձայնության է եկել «Սիթիի» հետ՝ Սիլվայի տեղափոխման հարցում
«Ռեալը» բանավոր համաձայնության է եկել «Սիթիի» հետ՝ Սիլվայի տեղափոխման հարցում
«Ռեալ Մադրիդը» և «Մանչեսթեր Սիթին» բանավոր համաձայնության են եկել Դավիդ Սիլվայի «Ռեալ» տեղափոխման հարցում: Այդ մասին հայտնում է Marca-ամսագիրը և Punto Pelota-ծրագրի վարողներից մեկը՝ Պիպի Էստրադան: Նա կապված է «Ռեալի» հետ և գիտի ակումբի տրանսֆերային քաղաքականության մասին: Իր խոսքերով՝ Ֆլորենտինո Պերեսը բարդ բանակցություններ է վարում «Սիթիի» հետ, բայց բանավոր համաձայնությունը արդեն հաստատված է:
Շեյխ Մանսուրը համաձայնվել է բաց թողնել իր ակումբի առաջատարին միայն 65 մլն. եվրո գումարով: «Մադրիդը» պատրաստվում է գործարքի մեջ մցնել Լասսանա Դիարային կամ Գոնսալո Իգուաինին, բայց ամենայն հավանականությամբ «Մանչեսթեր» կգնա ֆրանսիացին, որովհետև Ժոզե Մոուրինյոն չի ցանկանում, որ Իգուաինը հեռանա:
Պերեսի նպատակը՝ իջեցնել Սիլվայի գինը գոնե տաս միլիոնով: Էստրադան ասում է, որ ինքը ֆուտբոլիստը արդեն վարել է բանակցություններ մադրիդյան ակումբի հետ և տվել է իր համաձայնությունը, բայց մի պայմանով՝ նա չի պատրաստվում ճնշում գործադրել «Սիթիի» ղեկավարության վրա, չնայած նրան, որ նա ցանկություն ունի խաղալ «Ռեալում»: Իսպանիայի չեմպիոնները ցանկանում են Սիլվային ձեռք բերել մինչ նախասեզոնային պատրաստությունը: