«Բետիս»-ի դարպասապահ Ֆաբրիսիո Ավգուստո Ռամիրեսը կարծում է, որ եթե «Բետիս»-ը հավատարիմ մնա իր խաղի փիլիսոփայությանը, ապա կարող է հաղթել շաբաթ օրը: Իսպանացին նաև գովաբանել է հաջորդ մրցակցի խաղը. «Հիմա «Ռեալ»-ից լավ թիմ չկա»:

Թե ինչպիսի արդյունք հաճելի կլինի նրան, Ֆաբրիսիոն ասել է հետևյալը. «Ես կհամաձայնվեի ոչ-ոքիի հետ: Որովհետև, ես մտածում եմ, թե ինչպիսի դժվար խաղ է մեզ սպասվում: Հետևաբար, մենք կմտնենք խաղադաշտ միայն մեկ ակնկալիքով – հաղթանակ: Եթե ամեն ինչ անցնի մեր ծրագրերով, մենք հաջողության հասնելու շանսեր կունենանք»:

Վերջում, դարպասապահը խոսեց Ռոնալդուի մասին. «Ինձ դուր է գալիս նրա արդյունավետությունը: Շնորհիվ դրա, նա լավագույն ֆուտբոլիստն է աշխարհում»: